ABŞ-ın Tennessi ştatının Neşvill şəhərində orta məktəbdə baş verən silahlı hücum nəticəsində iki nəfər həlak olub, bir nəfər yaralanıb.
"Bakuinfo"nun xarici KİV-ə istinadən verdiyi xəbərə görə, hadisə Neşvill Polis Departamenti tərəfindən təsdiqlənib. İnsident məktəbin bufetində yaşanıb.
Məlumata əsasən, 17 yaşlı bir şagird odlu silahla məktəblilərdən birini öldürüb, digərini yaralayıb. Daha sonra həmin şəxs özünü güllələyərək intihar edib. Hadisənin səbəbləri hələlik məlum deyil, araşdırma aparılır.
Polis hazırda insidentin motivlərini müəyyənləşdirmək üçün təhqiqatı davam etdirir. Detallar yaxın zamanda ictimaiyyətə açıqlanacaq.
