.jpg)
Trampın qərarlarına əsasən, transgender hərbçilər ordudan uzaqlaşdırılacaq və gender keçid prosedurlarına dövlət vəsaiti ayrılmayacaq. Onun siyasətinin əksinə, əvvəlki administrasiyalar-xüsusilə Obama və Bayden dövrlərində-transgender fərdlərə hərbi xidmətdə daha geniş imkanlar verilmişdi. Bayden administrasiyası hətta cinsiyyət dəyişdirmə əməliyyatlarının Pentaqon tərəfindən maliyyələşdirilməsini təsdiqləmişdi.
Tramp və tərəfdarları transgender siyasətinin ABŞ ordusunun döyüş qabiliyyətinə mənfi təsir etdiyini iddia edirlər. Onların fikrincə, bu yanaşma hərbi xidmətə marağın azalmasına və orduda nizam-intizamın zəifləməsinə səbəb olub. Digər tərəfdən, tənqidçilər Trampın yeni qərarlarını diskriminasiya kimi qiymətləndirir və bunun insan hüquqlarına zidd olduğunu bildirirlər.
Bu qərarlar ABŞ ordusunda gender siyasətinin növbəti illərdə necə formalaşacağını sual altında qoyur.
