99 saylı Bərdə seçki dairəsi üzrə səsvermənin gedişini 730 müşahidəçi izləyir.
Bunu “Report”un Qarabağ bürosuna açıqlamasında 99 saylı Bərdə seçki dairəsinin sədri Dilsuz Nəcəfov deyib.
Onun sözlərinə görə, səsvermənin davam etdiyi müddətdə seçici fəallığı müşahidə olunur:
“Dairə üzrə yeddi bələdiyyəyə üzvlər seçiləcək. Məlumat üçün deyim ki, dairədə qeydə alınmış 157 namizəd ümumilikdə 81 yer uğrunda mübarizə aparır.
Səsvermə başlayan saatdan etibarən, seçici fəallığı müşahidə olunur. Səsvermə prosesini 730 müşahidəçi izləyir. Bizə hələ ki hər hansı pozuntu barəsində müraciət daxil olmayıb”.
Qeyd edək ki, səsvermə saat 19:00-a qədər davam edəcək.
Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.
Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.
