İqtisadiyyat Nazirliyi yanında Əmlak Məsələləri Dövlət Xidməti tərəfindən 28 yanvar tarixində keçirilmiş hərracda 4 lot üzrə 41 nəqliyyat vasitəsi satılıb.
Dövlət Xidmətinin məlumatına görə, hərraca çıxarılan əmlaklara 32 sifariş qəbul edilib. Rəqabətli keçən hərracda ilkin qiyməti 46,1 min manat olan lot üzrə 19 nəqliyyat vasitəsi 100 min manata satılıb. Digər lot üzrə 15 nəqliyyat vasitəsinin start qiyməti 35,2 min olsa da, son təklif 52 min manata yüksəlib.
Hərracda satılan nəqliyyat vasitələrinin siyahısı ilə bu link bit.ly/40Ah581 vasitəsilə tanış olmaq olar.
İştirak etmək istəyənlər “www.emlak.gov.az” və “www.auksion.gov.az” internet saytlarından hərraca çıxarılan əmlaklar üzrə seçim edə bilərlər.
