Ajans.az xəbər verir ki, hadisə Buxarestdə baş verib.
Yanvarın 13-də Kantakuzino xəstəxanasının rəhbərliyi itkini aşkar edəndə polislə əlaqə saxlayıb. Bir şəxs xəstəxananın qapalı sahəsinə girib və bir neçə amputasiya edilmiş insan əzalarının olduğu çantanı oğurlayıb. Daha sonra üç ayaqdan ikisi tapılıb: biri tibbi tullantılar olan çənin yanında uzanıb, digəri isə yaxınlıqdakı küçədə tapılıb.
Həmin şəxs kameralara tuş gəlib. Kameralarda maska, qara pencək və idman şalvar geyinmiş kişi əks olunub. O, bir neçə gün sonra polis tərəfindən saxlanılıb. Dindirmə zamanı o, sadəcə təkrar emal üçün plastik butulkaları oğurlamağı planlaşdırdığını və çantadakı ayaqlardan xəbərinin olmadığını bildirib.
Daha sonra xəstəxana amputasiya edilmiş şəxslər üçün adekvat təhlükəsizlik tədbirlərini təmin etmədiyi üçün 885 avro cərimə olunub. Xəstəxana rəhbərliyi indi morqun niyə bağlanmadığını anlamaq üçün öz araşdırmasını aparır.
