Türkiyədə Kartalkaya dağ-xizək kurortunda baş verən yanğın nəticəsində ölənlərin sayı 79 nəfərə çatıb.

Reyting.az xəbər verir ki, bu barədə yerli prokurorluq məlumat yayıb.

Kurortun yerləşdiyi Bolu vilayətinin prokurorluğu bildirib ki, DNT testlərindən sonra yanğında ölənlərin sayı 79-a çatıb.

Qeyd edək ki, bundan əvvəl 76 nəfərin öldüyü deyilirdi.

Türkiyə Səhiyyə Nazirliyi yanğın zamanı xəsarət alan 51 nəfərdən 39-nun xəstəxanalardan evə buraxıldığını, 12 nəfərin müalicəsinin davam etdiyini açıqlayb.

Xatırladaq ki, Kartalkaya istirahət mərkəzində yanğın yanvarın 21-nə keçən gecə baş verib. Yanğın zamanı hoteldə ümumilikdə 238 qonaq olub. Türkiyədə yanvarın 22-si milli matəm günü elan edilib.