İstehsal obyektinin ərazisində iş yerlərindən sanitariya-məişət və digər xidmət yerləşgələrinə qədər məsafə TNvəQ 2.09.04-ə müvafiq qəbul edilməlidir.
Heftelik.az-ın məlumatına görə, bu, “Sənaye müəssisələrinin baş planları. Layihələndirmə normaları”nda əksini tapıb.
Sanitariya-məişət yerləşgələrinə, yeməkxana və idarəetmə binalarına keçid və giriş yerlərinin qarşısında ən çoxsaylı iş rejimində 1 nəfərə 0,15 m2 hesabı ilə meydança nəzərdə tutulmalıdır, həmçinin “İnfrastruktur obyektlərinin və yaşayış binalarının layihələndirilməsi və tikintisi zamanı əlilliyi olan şəxslərin tələbatının nəzərə alınmasına, istismarda olan infrastruktur obyektlərinin və yaşayış binalarının əlilliyi olan şəxslərin istifadəsi üçün ağlabatan uyğunlaşdırılmasına nəzarət Qaydası”nın, “Bina və qurğuların layihələndirilməsində əlillər üçün zəruri olan həyat və fəaliyyət şəraitinin yaradılması üzrə Müvəqqəti Təlimat”ın və “Məişətdə, nəqliyyatda və ictimai yerlərdə əlillər üçün münasib həyat və fəaliyyət şəraitinin yaradılması məqsədilə əlillərin reabilitasiyası üzrə texniki vasitələrdən və memarlıq-planlaşdırma həllərindən istifadə olunması üzrə Metodiki göstərişlər”in tələbləri yerinə yetirilməlidir.
