Amerika lideri Donald Tramp Ukrayna və Rusiya arasında müharibənin dayandırılmasında Çinin dəstəyinə ümid etdiyini bildirib. O, hesab edir ki, qüvvələri birləşdirməklə buna son qoymaq mümkün olacaq.
Bu barədə Trampın bəyanatında xəbər verilir.
ABŞ prezidenti ABŞ və Çin arasında ədalətli münasibətlərin zəruriliyindən danışaraq, bu ölkə ilə yığılmış 1,1 trilyon dollarlıq ticarət kəsirinin qəbuledilməz olduğunu vurğulayıb.
Eyni zamanda Tramp Ukrayna və Rusiya arasında müharibənin dayandırılmasında Çinin rolunu xatırladıb.
"Ümid edirik ki, Çin bizə Ukrayna və Rusiya arasında müharibəni dayandırmağa kömək edəcək. Yeri gəlmişkən, mən bunu prezident Si ilə telefon danışığı zamanı da qeyd etdim. Ümid edirəm ki, güclərimizi birləşdirib buna son qoya biləcəyik".
Qeyd edək ki, Rusiyanın Ukraynaya qarşı müharibəsinə son qoymaq məsələsi Donald Tramp ABŞ prezidenti olduqdan sonra daha da fəal müzakirə olunub.
Oxuməni.az
