"Əvvəla, rəqibi bugünkü mübarizəyə görə və komandamızı qələbəyə görə təbrik edirəm".
İdman.biz xəbər verir ki, bunu "Şəki"nin baş məşqçisi Bedri Meriç Azərbaycan Basketbol Liqası çərçivəsində "Ordu" ilə oyundan (87:74) sonra klubunun mətbuat xidmətinə açıqlamasında deyib.
Mütəxəssis bildirib ki, daha çox müdafiə oynuna üstünlük verirlər: "Biz müdafiə komandasıyıq. Daha əvvəl də söylədiyim kimi, müdafiəyə diqqət yetirsək, hər komandanı məğlub edə bilərik. Bu gün Roti Veyr zədəli olduğu üçün ondan yararlana bilmədik. Onun əvəzinə meydana çıxan hər bir oyunçu əlindən gələni etdi. Bugünkü qələbə çox vacib idi. Oyunçularımla qürur duyuram. Bu qələbə onların əsəridir. Meydana çıxan, çıxmayan hər bir oyunçuya və azarkeşlərə təşəkkür edirəm. Döyüşməyə davam edəcəyik. Kimsənin lider görmədiyi "Şəki"ni ən yuxarı sıraya qaldırdıq. Lider qalmaq üçün də əlimizdən gələni edəcəyik"
İdman.biz
