Bu gün futbol üzrə İngiltərə çempionatında (Premyer Liqa) 2024/2025-ci illər mövsümünün 23-cü turuna yekun vurulub.
Arena.az xəbər verir ki, sonuncu oyun günündə dörd qarşılaşma baş tutub.
“Aston Villa” – “Vest Hem” matçında komandalar hərəyə 1 qol və 1 xalla kifayətləniblər.
“Kristal Pelas” doğma meydanda “Brentford”a, “Tottenhem” isə “Lester Siti”yə oxşar hesabla (1:2) məğlub olublar. “Fulhem”in qonağı olan “Mançester Yunayted” isə bu turu qələbə ilə başa vurub.
Beləliklə, 23 turdan sonra 22 oyuna 53 xal toplamış “Liverpul” vahid liderdir. “Arsenal” 47 xalla ikinci, “Nottingem Forest” 44 xalla üçüncü pillədə qərarlaşıblar. “Mançester Siti” və “Nyukasl”ın 41, “Çelsi” və “Bornmut”un 40, “Aston Villa”nın 37, “Brayton”un 34, “Fulhem”in 33, “Brentford”un 31, “Mançester Yunayted”in 29 xalı var.
İngiltərə, Premyer Liqa
23-cü tur
25 yanvar
Bornmut – Nottingem Forest 5:0
Qollar: Kluyvert, 9. Uattara, 55; 61; 87. Semenyo, 90+1.
Brayton – Everton 0:1
Qol: Ndiaye, 42.
Liverpul – İpsviç Taun 4:1
Qollar: Soboslai, 11. Salah, 35. Qakpo, 44; 66 – Qrives, 90.
Sauthempton – Nyukasl 1:3
Qollar: Bednarek, 10 – A.İsak, 26-pen; 30. Tonali, 51.
Vulverhempton – Arsenal 0:1
Qol: Kalafyori, 74.
Mançester Siti – Çelsi 3:1
Qollar: Qvardiol, 42. Haland, 68. Foden, 87 – Madueke, 3.
26 yanvar
Kristal Pelas – Brentford 1:2
Qollar: Esse, 85 – Mbeumo, 66-pen. Şade, 80.
Tottenhem – Lester Siti 1:2
Qollar: Riçarlison, 33 – Vardi, 46. El Xannus, 50.
Aston Villa – Vest Hem 1:1
Qollar: Remsi, 8 – Emerson, 70.
Fulhem – Mançester Yunayted 0:1
Qol: L.Martines, 78.
