“Barselona”nın hücumçusu Robert Levandovski karyerasını Səudiyyə Ərəbistanı çempionatında davam etdirməsi ehtimalından danışıb.
Sportinfo.az “Polsat Sport”-a istinadən xəbər verir ki, polşalı futbolçu “Barselona”dakı hər şeydən razı olduğunu bildirib:
“Barselona”dakı hər şeydən razıyam, özümü əla hiss edirəm. İndi xoşbəxtəm və başqa variantları nəzərdən keçirmirəm”.
36 yaşlı forvardla “Əl-Hilal” və “Əl-Nəsr” klubları maraqlanır.
Levandovskinin kataloniyalılarla müqaviləsi 2026-cı ilin ortalarına qədərdir. Onun transfer dəyəri 15 milyon avro qiymətləndirilir.
O, bu mövsüm bütün turnirlərdə 30 matçda iştirak edib, 29 qol vurub və 3 məhsuldar ötürmə verib.
