“Neftçi” “Sabah”la oyuna üç itki ilə çıxacaq

“Neftçi” Misli Premyer Liqasının 19-cu turunun oyununa hazırlığını başa vurub.

Bizim.Media xəbər verir ki, komandanın 3 futbolçusu “Sabah”la matçda meydana çıxa bilməyəcək.

“Ağ-qaralar”ın bu gün oyunöncəsi keçirilən son məşqində Rəhman Hacıyev, Rafael Quzzo və Dembo Darbo zədə səbəbindən bu görüşü buraxacaqları dəqiqləşib.

Qeyd edək ki, yanvarın 19-u “Neftçi Arena”da keçiriləcək “Neftçi” – “Sabah” oyunu saat 18:30-da başlanacaq.

Rəşad Rafiqoğlu, Bizim.Media