Məğlubiyyətin səbəbləri və növbəti sınaqçı-rəqibin bilinib-bilinmədiyi haqda məlumat almaq üçün “nur şəhəri”nin təmsilçisinin baş məşqçisi Füzuli Məmmədova müraciət etdik. Onun “Football-plus.az”a cavabı:
“Qəbələ” 1-ci liqa səviyyəsində komanda deyil. Bu komanda uzunmüddətli layihə əsasında inkişaf edir. Kollektivimizdəki çatışmazlıqları öyrənmək, səhvlərimizi görmək üçün güclü rəqiblə qarşılaşmaq istədik. Təbii ki, daha zəif komanda ilə üz-üzə gəlib qələbə qazana bilərdik. Lakin bunun bizə hansısa faydası olmayacaqdı. “Qəbələ” bu gün 1-ci liqada bütün rəqiblərini məğlub edə biləcək gücdədi. Növbəti rəqibimiz 2-ci pillədə qərarlaşan “Karvan”dı. Bu komanda ilə yanvarın 24-də qarşılaşacağıq”.
KƏNAN BAHADIR
