“Barselona”nın baş məşqçisi Hansi Flik Çempionlar Liqasının Liqa mərhələsinin 7-ci turunun “Benfika” ilə səfər oyununu şərh edib.
Arena.az məlumat verir ki, “blauqrana” oyunun gedişində iki dəfə iki tof fərqi ilə geriyə düşsə də, fərqi bərpa edə bilib və yekunda təzminat vaxtında (90+6) vurduğu qolla 5:4 hesablı əzmkar qələbəni bayram edib.
Matçdan sonra baş tutan mətbuat konfransında Hansi Flik bunları söyləyib:
“Bu, dəlisov oyun idi. Ən müsbət cəhət – bizim nümayiş etdirdiyimiz xasiyyətdir. Geri-dönüşlə qayıtdıq və bu, sadəcə heyrətamizdir. Futbol budur və buna görə də biz onu sevirik.
Birinci hissədə o qədər də yaxşı oynamadıq. Keçid mərhələlərində rəqibimiz çox güclü idi və onlar ilk qolu vurdular. Biz çox dərindən müdafiə olunmalı olduq. Biz gərəkli mövqeləri tuta bilmirdik. İkinci hissədə isə daha yaxşı görünürdük. Əvəzetmələr bu geri-dönüşü etməyimizə əhəmiyyətli dərəcədə kömək etdi”, – “Marca” nəşri alman mütəxəssisdən sitat gətirir.
Qələbə sayəsində “Barselona” Çempionlar Liqasının 1/8 mərhələsinə birbaşa vəsiqəni təmin edib.
7 oyundan 18 xalla “Barselona” Çempionlar Liqasının Liqa mərhələsinin yarış cədvəlinin 2-ci pilləsində qərarlaşıb.
