ABŞ-da qeyri-qanuni immiqrasiyanın qarşısını almaq üçün oğurluq və soyğunçuluq kimi müxtəlif səbəblərlə günahlandırılan qeyri-qanuni mühacirlərin həbs edilməsini tələb edən qanun layihəsi Senatda, daha sonra isə Nümayəndələr Palatasında qəbul edilib.Qeyri-qanuni mühacir tərəfindən öldürülən amerikalı kollec tələbəsinin şərəfinə "Laken Riley Qanunu" adlandırılan qanun layihəsi ABŞ Nümayəndələr Palatası tərəfindən 263 leyhinə 156 əleyhinə səslə təsdiqlənib.Respublikaçıların hazırladığı qanun layihəsinə 46 demokrat deputatın hə səs verməsi diqqət çəkib.İki gün əvvəl Senatdan keçən qanun layihəsi Nümayəndələr Palatasında təsdiqləndikdən sonra Ağ Evə göndərilib.Tramp tərəfindən imzalanacaq tənzimləmə Trampın ikinci dövrünün ilk qanunu olaraq qeyd olunacaq.Bütün seçki prosesi zamanı sərhəd təhlükəsizliyinin onun görə ən vacib məsələ olduğunu deyən Tramp üçün böyük hüquqi qələbə hesab edilən tənzimləmə sərhədçilərə məhkəmə qərarı olmadan müxtəlif cinayətlərdə iştirak edən qeyri-qanuni mühacirləri həbs etməyə imkan verir.Sərhəddə qeyri-qanuni mühacir axınına sərt tədbirlərlə son qoyacağını deyən Trampın qanun layihəsini ən qısa zamanda imzalaması gözlənilir.Qeyd edək ki, ABŞ-Meksika sərhədində təhlükəsizlik tədbirlərini artırmaq üçün Tramp yeni sərəncam imzalayıb və sərhədə əlavə 1500 əsgər göndərmək qərarına gəlib.
