Reuters: DAVOS (Reuters) - NATO-nun Baş katibi Mark Rutte cümə axşamı ABŞ-ı Ukraynaya silah tədarükünü davam etdirməyə çağırıb və Avropanın bu xərcləri ödəyəcəyini bildirib.
Davosda keçirilən Dünya İqtisadi Forumu çərçivəsində təşkil olunmuş tədbirdə çıxış edən NATO-nun baş katibi bildirib ki, Şimali Atlantika İttifaqı müdafiəyə daha çox investisiya qoymalı, müdafiə sənayesi istehsalını artırmalı və Ukraynaya yardım xərclərinin daha böyük hissəsini öz üzərinə götürməlidir.
"Ukraynaya gəldikdə isə, bizə lazımdır ki, ABŞ da bu işdə iştirakını davam etdirsin," - deyə Rutte bildirib.
"Əgər Trampın bu yeni administrasiyası Ukraynanı öz müdafiə-sənaye bazasından təmin etməyə davam etməyə hazırdırsa, hesabı avropalılar ödəyəcək, mən tam əminəm, biz buna hazır olmalıyıq," - deyə o əlavə edib.
NATO-nun baş katibinin fikirləri, ABŞ prezidenti Donald Trampın bu həftənin əvvəlində Avropa İttifaqının Ukraynaya dəstək üçün daha çox iş görməli olduğunu bəyan etməsindən sonra səsləndirilib.
Davosda Rutte həmçinin bildirib ki, Rusiyanın qalib gəlməməsi son dərəcə vacibdir, çünki bu, Rusiya prezidenti Vladimir Putinin Şimali Koreya və Çin liderləri ilə "əl sıxmasına" səbəb ola bilər.
"Biz, həqiqətən, Ukraynaya dəstəyimizi aktivləşdirməliyik, azaldmamalıyıq," - deyə NATO-nun baş katibi bildirib.
"Cəbhə xətti yanlış istiqamətdə irəliləyir", deyə o bildirib.
