ABŞ prezidenti Donald Tramp kriptovalyutalar üzrə işçi qrupunun yaradılması haqqında sərəncam imzalayıb.Tramp Ağ Evdə keçirilən imza mərasimində kriptovalyuta bazarına dəstək istiqamətində mühüm addım atıb.Bu çərçivədə Tramp kriptovalyutalar üzrə işçi qrupunun yaradılmasını nəzərdə tutan sərəncam imzalayıb.Sərəncama əsasən “Rəqəmsal Aktiv Bazarları üzrə İşçi Qrup” adlanan qrupa rəqəmsal aktivlər üçün federal tənzimləyici bazanın hazırlanması və strateji milli rəqəmsal aktiv fondunun yaradılmasını qiymətləndirmək tapşırılacaq.Sərəncamda həmçinin qurumlara rəqəmsal aktiv bazarlarına təsir edən və ləğv edilməli və ya dəyişdirilməli olan qaydalarla bağlı işçi qrupuna tövsiyələr təqdim etmək tapşırılıb.Digər tərəfdən, sərəncam qurumlara Mərkəzi Bankın Rəqəmsal Valyutasını inkişaf etdirməyi və ya buraxmağı qadağan edib.
