La Liqada 21-ci turun oyunları keçirilir. Bu tur turnir cədvəlinin lideri ilə autsayderi qarşılaşdı. Belə ki, ''Real'' Valyadolid''in qonağı oldu.
''Football-plus.az'' xəbər verir ki, oyun gözlənildiyi kimi Madrid nəhəngi üçün asan keçdi. Qarşılaşma Kilian Mbappenin benefisinə çevrildi. Fransalı superulduz biri penaltidən olmaqla 3 qol vurdu və İspaniya karyerasında ilk het-trikini rəsmiləşdirdi. Son vaxtlar əla forma yığan 26 yaşlı futbolçu ''Kral klubu''nun heyətində 30-cu rəsmi oyunda vurduğu qolların sayını 22-yə çatdırdı. Özü də o, bunlardan 8-ni son 5 oyunda vurub!
Daha bir fakt odu ki, Mbappe ''Real''ın heyətində La Liqada ilk het-trikini 19-cu oyunda rəsmiləşdirdi. Bu, XXI əsrdə klubun ən yaxşı 4-cü göstəricisidi. İlk het-trik üçün bundan daha az oyun keçirənlər Emmanuel Adebayor (14), Qaret Beyl (9) və Ruud van Nistelrooydu (2). Braziliyalı Ronaldo da bu klubda çempionatda ilk het-trikini 19-cu oyunda reallaşdırmışdı. Maraq üçün klub tarixinin ən məhsuldar oyunçusu Kriştiano Ronaldonun ilk het-trikə 28-ci oyunda nail olduğunu bildirək.
''Real'' bu qələbə sayəsində ən yaxın rəqibi ''Atletiko'' ilə xal fərqini 4-ə yüksəltdi. Levandovskinin 16 qolla başçılıq etdiyi bombardirlər yarışında isə Mbappe qollarının sayını 15-ə çatdıraraq ona yaxınlaşdı.
ƏLİ
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
