Bu gün Belarusda prezident seçkiləri keçirilir. Respublikanın Mərkəzi Seçki Komissiyasının məlumatına görə, 5,3 mindən çox seçki məntəqəsi işə başlayıb.
Reyting.az xəbər verir ki, 6,9 milyon Belarus seçicisi 5325 seçki məntəqəsində səs verə biləcək. Məntəqələrdən 207-si xəstəxana, sanatoriya, istirahət evləri və digər müvəqqəti yaşayış yerlərində, 12-si isə hərbi hissələrdə təşkil olunub.
Səsvermə saat 20:00-da başa çatacaq.
***
Belarus Gənclər Təşkilatları Komitəsinin exit-pollunun nəticələrinə görə, Belarusun hazırkı prezidenti Aleksandr Lukaşenko 87,6 faiz səslə prezident seçkilərində qalib gəlib.
Reyting.az xəbər verir ki, ekzit-pol sosioloji seçmə üzrə 300-dən çox seçki məntəqəsində, iri şəhərlərdə və kənd yerlərində keçirilib. Sorğuda 11 948 nəfər iştirak edib.
Belarus Mərkəzi Seçki Komissiyasının seçkilərin nəticələri ilə bağlı ilkin məlumatları yanvarın 27-də açıqlayacağı gözlənilir.
