1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İrlandiyalı qarışıq döyüş növləri (MMA) döyüşçüsü Pol Hyuz rusiyalı Usman Nurmaqomedova Belfastda payızda revanş keçirməyi təklif edib.
Oxu.Az-ın verdiyi məlumata görə, bu barədə Hyuz TASS-a bildirib.
Yüngül çəki dərəcəsində titul döyüşü şənbə günü "Professional Fighters League" (PFL) çərçivəsində keçirilib və hakimlərin qərarı ilə Nurmaqomedovun qələbəsi ilə başa çatıb.
"Usmana Belfastda payızda revanş təklif edirəm. Bizim ilk döyüşümüz səs-küylü oldu və insanlarda suallar qaldı. Biz onları həll etməliyik", - deyə Hyuz bildirib.
Qeyd edək ki, Pol Hyuz 27 yaşındadır. O, MMA-da 13 qələbə ilə yanaşı ikinci məğlubiyyətini alıb. 26 yaşlı Nurmaqomedovun MMA-da 19 qələbəsi var, məğlubiyyəti yoxdur.
