Çin ABŞ lideri Donald Trampın təhdidləri fonunda ABŞ-da qeyri-qanuni olan vətəndaşlarını geri almağa razılaşıb. Oxuməni.az “Bloomberg”ə istinadən xəbər verir ki, bu barədə Çin Xarici İşlər Nazirliyinin rəsmi nümayəndəsi Mao Nin bildirib.
Pekinin ABŞ-da sənədsiz yaşayan vətəndaşları geri qəbul edib-etməyəcəyi sualına diplomat “Çin vətəndaşlığı yoxlanıldıqdan sonra təsdiqlənən insanları qəbul edəcək,” -deyə cavab verib.
Mao Nin həmçinin vurğulayıb ki, Çin hökuməti “qeyri-qanuni miqrasiyanın istənilən formasına qətiyyətlə qarşıdır”.
Bundan əvvəl Nümayəndələr Palatasının spikeri Mayk Conson bildirib ki, Konqres ABŞ-dan deportasiya edilmiş vətəndaşlarını qəbul etməkdən imtina edən bütün ölkələrə qarşı tədbir görməyə və sanksiyalar tələb etməyə hazırdır.
Oxuməni.az
