Rusiya və Ukrayna ordusu arasında Donetsk vilayətinin Çasovıy Yar və Toretsk şəhərlərində küçə döyüşləri başlayıb.
Reyting.az Ukrayna mətbuatına istinadla xəbər verir ki, Çasovıy Yar və Toretsk şəhəri ərazilərində şiddətli döyüşlər gedir.
Məlumata görə, Çasovy Yardakı Müdafiə Qüvvələrinin istehkamlarına təxminən 140, Toretskdə isə 80-dən çox artilleriya hücumu həyata keçirilib.
Ukrayna tərəfi bildirir ki, Belaya Qora yaxınlığında düşmən zirehli texnikanın dəstəyi ilə hücuma keçməyə cəhd edib “Ukrayna PUA-ları bir rus tankını və bir piyada döyüş maşını məhv edib, daha bir tank və iki zirehli döyüş maşını zədələnib”,-deyə məlumatda qeyd olunur.
Ukrayna ordusu bəyan edir ki, Pokrovsk istiqaməti bütün döyüş təmas xəttində ən qaynar istiqamət olaraq qalır. Ruslar əhalinin məskunlaşdığı Vodyanoye Vtoroye, Zelenoe Pole, Yelizavetovka, Mirolyubovka, Suxoy Yar, Udaçnoye, Kotlyarovka, Uspenovka, Preobrajenka, Boqdanovka, Daçnoye və Ulaklı rayonlarında əsasən zirehli texnikadan istifadə etmədən hücum əməliyyatları keçirir.
V. QULİYEV
