Çində Ay Yeni ili çərşənbə axşamından çərşənbəyə keçən gecə (Bakı vaxtı ilə 20:00) başlayıb. Keçən ilin bürc simvolu olan Yaşıl Taxta Əjdaha Yaşıl Taxta İlanla əvəzlənib.
Fins.az xəbər verir ki, Çin Yeni ili ay təqvimi ilə bağlıdır, ona görə də hər il müxtəlif tarixlərə düşür. Onun başlanğıcı yanvarın 20-dən fevralın 20-nə təsadüf edir. Çində bu gün Bahar Festivalı və ya Çunjie adlanır.
Bayramdan əvvəl bütün pis şeyləri zibillə birlikdə süpürmək üçün evinizi hərtərəfli təmizləməlisiniz. Çin Yeni ilinin rəngi qırmızıdır, uğurlar və sevinci simvollaşdırır. Küçələr qırmızı fənərlərlə, evlərin qapıları isə yeni il arzuları və qırmızı “xoşbəxtlik” heroqlifi olan qırmızı qoşa şaquli yazılarla bəzədilib. Bu heroqlif tərs yapışdırılıb: Çin dilində "baş aşağı xoşbəxtlik" "xoşbəxtlik gəldi" ilə eyni səslənir.
