Avropada qazın qiyməti 1 000 kubmetr üçün 550 ABŞ dolları səviyyəsini ötüb.
Birja ticarəti zamanı Avropada qazın qiyməti uzun müddətdən sonra 1 000 kubmetr üçün 550 ABŞ dolları səviyyəsini ötüb.
Operativ Media xəbər verir ki, bunu London ICE birjasının məlumatları göstərir.
Məlumata görə, günün əvvəlindən 6 %-ə yaxın artım qeydə alınıb və 15 noyabr 2023-cü il tarixindən bəri ilk 550 dollar səviyyəsi üstələnib.
Belə ki, Niderlandın TTF qovşağında fevral fyuçerslərinin qiyməti 1 000 kubmetr üçün 552 dollara və 51,24 avro MVt/saata (avro-dolların cari məzənnəsinə əsasən, ICE qiymətləri MVt/saat üçün avro ilə təqdim olunur) qalxıb.
