Bu gün MAvropa Liqasının Liqa mərhələsinin 8-ci turunda "Qarabağ"ı qəbul edəcək “Olimpiakos”un futbolçularına böyük mükafat vəd edilib.
Bunun üçün Yunanıstan təmsilçisi Azərbaycan çempionunu məğlub yola salmalıdır.
Bu barədə Pirey klubunun prezidenti Evangelos Marinakis “Panatinaikos”la çempionatın 20-ci tur matçından (1:1) sonra məşqçi və futbolçu heyəti ilə danışarkən bildirib.
Başqan 1:1 hesablı heç-heçəyə baxmayaraq, komandanın oyunundan razı qaldığını deyib. Prezident heç-heçəni qələbəyə bərabər hesab etdiyini vurğulayıb
Marinakis önümüzdəki qarşılaşmanın həm özü, həm də azarkeşlər üçün böyük məna kəsb etdiyini qeyd edib.
O, “Olimpiakos”un üzvlərinin bu görüşdə bütün güclərindən istifadə etməli olduqlarını vurğulayıb. Marinakis komanda üzvlərinə "Qarabağ"ı məğlub edəcəkləri halda, böyük bonus qazanacaqlarına dair söz verib:
"Bugünkü oyuna görə hamınızı - futbolçuları, məşqçiləri təbrik edirəm. Təəssüf ki, matçın taleyini hakim qərarları həll etdi.
Siz ehtirasla çıxış etdiniz. Oyun ərzində üstün tərəf biz idik. Siz meydanda 10 nəfər qalmışdız, amma 12 və ya daha çox insanın ruhu ilə oynadız.
Çoxlu qol imkanları yaratdız, "Olimpiakos"a layiq şəkildə çıxış etdiniz. Bilirsiz ki, bu matç mənim və azarkeşlərimiz üçün çox şey deməkdir.
Siz mənim üçün qalibsiz. "Olimpiakos" belə oynamalıdır! "Qarabağ"a qalib gəlsəz, premium mükafat alacaqsız.
Bütün gücünüzü ortaya qoyun, belə oynamağa davam edin. Əgər bu cür davam etsəz, klubumuzun şanslı tarixinin 100 illiyində çempion olacağıq".
Yunanıstan mediası Marinakisin 2 il öncəki matçı hələ də unuda bilmədiyini yazır.
«Qarabağ» həmin vaxt Avropa Liqasının qrup mərhələsinin oyununda Yunanıstanda 3:0 hesablı qələbə qazanaraq, nəinki ölkəni, bütün Avropanı şoka salmışdı.
Məşhur iş adamı günü bu gün də o olayın təsiri altındadır. Odur ki, Azərbaycan çempionundan revanş almaq iddiasındadır və bunu açıq-açıq komandasının üzvlərinə söyləyib.
Yunan milyarderin «premimum» adlandırdığı mükafat fondu isə 2 milyon avrodur.
Bu gecə reallaşacaq "Olimpiakos" - "Qarabağ" görüşü Bakı vaxtı ilə saat 00:00-da başlayacaq.
SPORTİNFO.AZ
