Cənubi Koreyanın məşhur “Squid game” serialının üçüncü mövsümünün yayımlanacağı tarix məlum olub.
Bu barədə “IndieWire” məlumat yayıb.
Serialın üçüncü - sonuncu mövsümünün 27 iyun 2025-ci ildə premyera ediləcəyi açıqlanıb.
“Netflix”in baş məzmun direktoru Bela Bajaria da yanvarın 29-da keçirdiyi mətbuat konfransında layihənin səhnələrini əks etdirən video nümayiş etdirib.
Onun sayəsində məlum olub ki, baş rol olan Song Ki Hoon obrazı hələ də yaşayır. Videoda həmçinin qırmızı və mavi topları növbə ilə paylayan maşından istifadə edərək iştirakçıların komandalara bölünməsi də göstərilib.
Qeyd edək ki, “Squid game” maddi çətinliklər üzündən gizli sağ qalmaq oyununda iştirak etməyə qərar verən bir qrup insan haqqındadır. 2021-ci ilin sentyabrında ilk premyerasından sonra layihə “Netflix” tarixində ən populyar serial olub.
"Cebheinfo.az"
