Layihə çərçivəsində Mingəçevir şəhərində gənclərə ekoloji məlumatlılığın artırılması, gənclərin ekoloji tarazlığın qorunması prosesindəki mövqeyi və öhdəlikləri, uyğun təşəbbüslərin formalaşdırılması, maarifləndirmənin fərdi və kollektiv metodları, ekoloji tarazlığı pozan amillər, onların qarşısının alınması üsulları və s. haqqında məlumatlar verilib. Gənclər mövzuya müxtəlif fərdi və komanda işləri fonunda münasibət bildiriblər. Hər görüş əsnasında verilmiş komanda fəaliyyəti istiqamətləri üzrə komandalar qanunvericilik aktlarını, həyata keçirilmiş fəaliyyətləri, fəaliyyətlər üzrə böhran vəziyyətlərini və icra olunmasına ehtiyac olan işləri təhlil edib bəyanatlar hazırlayıblar.
"Nurlu Sabah Gənclərə Qayğı” İctimai Birliyi tərəfindən Azərbaycan Respublikasının Gənclər və İdman Nazirliyinin maliyyə dəstəyi ilə həyata keçirilən layihənin əsas məqsədi Mingəçevir şəhərində təhsil alan , yaşayan və fəaliyyət göstərən gənclərin ekoloji tarazlığın qorunması və təşəbbüskarlığınn artırılması istiqamətində bilik və bacarıqlarının artırılmasından ibarətdir. Layihə çərçivəsində keçirilən fəaliyyətlər iştirakçılara birbaşa, digər gənclərə dolayı yolla təsir etməklə növbəti mərhələdə daha çox şəxsin faydalanmasına zəmin yaradıb.
