Bu fikirləri siyasi şərhçi Sultan Zahidov Olaylar.az-a açıqlamasında bildirib:
"Bu baxımdan istənilən bir ölkənin dünya siyasətinə, iqtisadiyyatına inteqrasiya olunması və yeni əməkdaşlıqlar qurması üçün bu forum xüsusi əhəmiyyət kəsb edir. Bu baxımdan Azərbaycan artıq 30 ilə yaxın müddətdir ki, bu forumda iştirak. 1995-ci ildə ilk dəfə Heydər Əliyev Azərbaycanı bu forumda təmsil etmişdir. 2007-ci ildən bu günə kimi isə Davos İqtisadi Forumunda Prezident İlham Əliyev tərəfindən təmsil olunuruq. Ölkə başçısının iştirakı və fərqli dövlət rəsmiləri, şirkət rəhbərləri ilə görüşləri Azərbaycanın qlobal arenada artan dəyərinin göstəricisidir. Azərbaycan bu gün Avropanın enerji təhlükəsizliyində mühüm rol oynayır, Şərq-Qərb Nəqliyyat Dəhlizinin vacib bəndidir. Bu, Azərbaycanda regional və qlobal məsələlərdə aktivliyini ön plana gətirir ki, bu baxımdan hər il keçirilən forumun iştirakçıları arasında Azərbaycanın da olması təzyiq doğurmamalıdır və bu forumda iştirak Azərbaycan üçün həm siyasi, həm iqtisadi baxımdan yeni perspektivlər vəd edir".
Zeynəb Rzayeva
