2-ci Liqada mübarizə aparan "Şəfa" klubu "Şamaxı"dan ayrılan Emin Zamanovu heyətinə qatıb.
Yeni komandası ilə bağlı düşüncələrini "Operativ Media"ya bölüşən futbolçu, "Şəfa" klubunun şəraitinin Premyer Liqa səviyyəsinə uyğun olduğunu vurğulayıb.
“Düşünürəm ki, şəraiti Premyer Liqadan geri qalmayan bir kluba gəlmişəm. Bu addımı atmağımda bir çox nüanslar rol oynadı – mənə göstərilən münasibət, gələcək üçün planlar və artıq bu planların həyata keçirilməsi üçün atılan addımlar. Əsas hədəfim Şəfa komandası ilə birlikdə Premyer Liqaya qayıtmaqdır,” – deyə o bildirib.
Futbolçu klub rəhbərliyi ilə görüşündən də bəhs edib:
“Rəhbərliklə geniş müzakirələrimiz oldu. Mənə göstərdikləri böyük hörmət və diqqət üçün hər birinə təşəkkür edirəm. Ümid edirəm ki, birlikdə çalışaraq komandamızı Premyer Liqaya çıxaracağıq.”
Qeyd edək ki, "Şəfa" klubu bu ay 9 yeni transferlə 1-ci Liqaya yüksəlməyə iddialı olduqlarını göstəriblər.
