Futzal: Vitali Borisov Zaqrebə gedəcək heyəti açıqladı

Futzal üzrə Azərbaycan millisi Avropa çempionatının əsas mərhələsi çərçivəsində qarşılaşacağı Xorvatiya ilə oyuna hazırlığı başa vurub.

Arena.az xəbər verir ki, bu barədə Azərbaycan Futzal Federasiyasının rəsmi saytı məlumat yayıb.

Xəbərdə bildirilir ki, yığmamız Bakıdakı hazırlıq mərhələsini ötən gecə baş tutan son məşqlə başa vurub. Baş məşqçi Vitali Borisov səfərə aparacağı yekun heyəti də müəyyənləşdirib.

Qeyd edək ki, millimiz bu gün – yanvarın 29-da Bakı-İstanbul-Zaqreb reysi ilə Xorvatiyaya yola düşəcək.

Azərbaycan yığması Avropa çempionatının əsas mərhələsi çərçivəsində yanvarın 31-də səfərdə Xorvatiya, fevralın 4-də isə Bakıda Yunanıstanla qarşılaşacaq.

1. Emin Kürdov – Araz-Naxçıvan
2. Rövşən Hüseynli – Astana (Qazaxıstan)
3. Fərid Abbasov – Baku Fire
4. Emil Həsənzadə – Neftçi İK
5. Xəzər Ağalızadə – Araz-Naxçıvan
6. Tofiq Mikayılov – Baku Fire
7. Kənan Manafov – Baku Fire
8. Oktay Rüstəmli – Baku Fire
9. Nihad İsmayılov – Baku Fire
10. Fərid Atakişiyev – Neftçi İK
11. Ülvi Əliyev – Araz-Naxçıvan
12. Mirzə Əmirov – Neftçi İK
13. İlham Alıyev – Şuşa
14. Nurlan Mehdizadə – Baku Fire