“Çox sevinirəm, oyunçularla fəxr edirəm ki, vacib üç xalı qazandıq, gözəl oynadıq. Çox çətin olacağını bilirdik. Həqiqətən belə oldu”.
“Qafqazinfo” xəbər verir ki, bunu FCSB-nin baş məşqçisi Elias Xaralambus deyib.
O, Avropa Liqasının əsas mərhələsinin 7-ci turunda “Qarabağ”a qalib gəldikləri matçdan danışıb: “Əziyyət çəkdik. Əziyyətimizin bəhrəsini gördük. Futbolda bəzən bəxt amili də əhəmiyyətlidir. Bu gün bir az bəxtimiz də gətirdi. İlk dəqiqədə qol buraxmaq çətin idi. “Qarabağ” çox pressinq edirdi, üçüncü qol gəldikdən sonra qələbəni qazandıq”.
- “Qarabağ” tərəfdən hansısa sürprizlə qarşılaşdınız?
- Nəyi ümid edirdiksə, onu gördük. “Qarabağ”ı araşdırmışdıq. Çətin oyun oldu. Əziyyət çəkdik. Avropadakı oyun stili budur, əziyyət çəkilir. “Qarabağ” güclü komandadır. “Ayaks”la”, “Lion”la, “Zirə” ilə oyunda da hücumameyilli, güclü və sərt oyun göstərir. Qurban Qurbanova və komandaya böyük hörmətim var. “Qarabağ” çox gözəl komandadır”.
