Azərbaycan – Pakistan Hökumətlərarası Birgə Komissiyasının VIII iclasında iştirak etmək məqsədilə Pakistan İslam Respublikasında rəsmi səfərdə olan müdafiə sənayesi naziri, Komissiyanın həmsədri Vüqar Mustafayev 2025-ci il yanvarın 23-də Pakistan Silahlı Qüvvələrinin Quru Qoşunları komandanı Asim Munir ilə görüşüb.
Bu barədə “Poliqon”a Müdafiə Sənayesi Nazirliyinin Mətbuat Xidmətindən məlumat verilib.
Səmimi və qarşılıqlı anlaşma şəraitində keçən görüşdə ölkələrimiz arasında davamlı inkişaf edən tarixi dostluq və tərəfdaşlıq münasibətləri, Azərbaycanın və Pakistanın bir çox istiqamətlərdə, eləcə də hərbi-texniki sahədə əməkdaşlıq əlaqələrinin daha da genişləndirilməsi üzrə işlərin uğurla həyata keçirildiyi xüsusi qeyd olunub.
