“Azarkeşlərimizə təşəkkür edirəm. Sayları az olsa da, bizi tək qoymadılar. Sona qədər komandanı dəstəklədilər. Oyun barədə danışılası çox söz yoxdur. Ümumiyyətlə, bu mövsüm hədsiz qol imkanlarından yararlana bilmədik. Əvəzində qollar buraxırıq və məğlub oluruq. Bu nəticəni faciə kimi qəbul etmək olmaz. Önümüzə baxmalıyıq. Bu il belə alındı, edəcək bir şey yoxdu. İnşallah, gələn il daha yaxşı nəticə qazanarıq”.
İdmanxeber.az-ın məlumatına görə, bu sözlərİ “Qarabağ”ın futbolçusu Elvin Cəfərquliyev UEFA Avropa Liqa Liqa mərhələsində FKSB məğlubiyyəti (2:3) barədə danışarkən deyib. Millimizin üzvü daha sonra qarşıdakı “Olimpiaskos” görüşü haqda söz açıb:
“Rəqibin standart vəziyyətlərdə yaxşı oynadığını bilirik. Bunun üzərində işləyərdik. Daha çox diqqətli olmaq lazım idi. Birə-bir oyunda problemlərimiz var idi. Görünür, daha çox çalışmalıyıq. Qarşıda “Olimpiakos” oyunu var. Həmin matçda yaxşı mübarizə aparmaq istəyirik. Udsaq da, uduzsaq da elə böyük əhəmiyyət kəsb etmir. Avrokubok mövsümünü gözəl oyunla bitirmək istəyirik”.
