ABŞ prezidenti Donald Tramp Alyaska ştatında qorunan torpaqlarda neft və qaz hasilatını bərpa etmək planlarını açıqlayıb...
Poliqon xəbər verir ki, prezidentin sözlərinə görə, bu yataqların ehtiyatları bütün Asiya bazarının tələbatını ödəyə biləcək. Tramp qeyd edib ki, bərpa tədbirləri yaxın vaxtlarda sərəncamla təsdiqlənəcək.
“Düşünürəm ki, mən bunu icra sərəncamı ilə edəcəm. Ona görə də biz bunu tez edəcəyik, lakin bu, yerləşdiyi yerə görə bütün Asiyanı təmin edə biləcək bir layihə olacaq. Arktika Milli Vəhşi Təbiət Sığınağı bütün Asiyanı təmin edə bilər”, deyə Tramp bildirib.
Amerika prezidenti qeyd edib ki, Alyaskadakı yataq dünyada ən böyüklərdən biridir, Səudiyyə Ərəbistanının ehtiyyatlarından daha böyükdür. Tramp həmçinin vurğulayıb ki, ABŞ-nin əvvəlki prezidenti Co Bayden administrasiyası Alyaskanın vəhşi təbiət sığınacağında neft və qaz hasilatını qadağan etməklə yanlış hərəkət edib.
Qeyd edək ki, vəzifəsinə başladığı ilk gün Donald Tramp sələfi Co Baydenin neft və qaz hasilatına tətbiq etdiyi məhdudiyyətləri aradan qaldıran sərəncam imzalamışdı.
Poliqon.info
