«Ümumi götürsək, yeddi tura altı məğlubiyyət alan «Qarabağ»ın Avropa Liqasındakı çıxışının uğursuzluq saymaq olar».
Bu fikirlər futbol eksperti Emin Abbasova məxsusdur.
O, ATV kanalında yayımlanan «Futbolumuz» verlişində Ağdam klubunun yarışın əsas mərhələsində gözləntiləri doğrultmadığını söyləyib.
Tanınmış teleşərhçi bildirib ki, hazırda "Qarabağ"ın "damla-damla göl olan" problemləri yaranıb:
«Biz həmişə deyirdik ki, «Qarabağ»ın ən zəif yeri standart vəziyyətlərdən istifadə etməməsidir.
Çoxsaylı künc zərbələri yerinə yetirirlər, onda da tək-tük qol vura bilirlər. İndi isə çox kəskin problem üzə çıxıb - standart vəziyyətlərdən xeyli qol buraxırlar.
Bu mövsüm avrokuboklarda demək olar hər oyunda qapılarında belə qollar görüblər.
Qurban Qurbanov çox çalışqan insandır. Klubun bazasına hamıdan əvvəl gəlib, hamıdan sonra gedir.
Bütün günü komandanın problemləri üzərində işləyir. Amma bu gün nəsə alınmır. Yeni transferlər də komandaya fayda vermir».
SPORTİNFO.AZ
