Gürcüstan prezidentinin iqamətgahının mərasim zalından Avropa İttifaqının bayrağı yoxa çıxıb.
Qaziler.az bildirir ki, bu vəziyyət 2TV Pirveli" jurnalistlərinin diqqətini çəkib.
Gürcüstan qanunlarına görə, prezidentin fonunda dövlət bayrağı və dövlət gerbini əks etdirən prezidentin bayrağı olmalıdır.
Gürcüstanın beşinci prezidenti Salome Zurabişvili əlavə olaraq ölkənin Avropa istəklərini vurğulamaq üçün Aİ bayrağından istifadə edib.
Bu gün Mixail Kavelaşvili mitinqlərin sərt şəkildə yatırılmasına görə bəzi Qərb ölkələrinin onlara qarşı sanksiyalar tətbiq etdiyi Gürcüstan Daxili İşlər Nazirliyinin rəhbərlərini “Şərəf” ordeni ilə təltif edib. Bu mərasim “Gürcü arzusu”nun deputatları tərəfindən dövlət başçısı seçilən Mixail Kavelaşvilinin andiçmə mərasimindən sonra ilk dəfə olaraq prezident sarayında keçirilib.
Kavelaşvilinin fonunda yalnız Gürcüstan bayrağı və prezident ştandartı olub.
QAZİLER.AZ
