Qusar, 26 yanvar, AZƏRTAC
Bu gün qar voleybolu üzrə Azərbaycan çempionatının qalibləri bəlli olacaq.
AZƏRTAC xəbər verir ki, "Şahdağ" Turizm Mərkəzində "Misli"nin dəstəyi ilə keçirilən yarışda 4 qadın (“Azərreyl”, “Murov Az Terminal”, “Gəncə”, U-21) və 4 kişi (“Azərreyl”, “Murov Az Terminal”, “Gənclər”, U-21) komandası çempionluq uğrunda mübarizə aparır. Azərbaycan voleybolu tarixində ilk dəfə təşkil olunan yarışın birinci günündə 8 oyun baş tutub.
Bu gün çempionatda 3-cü turun qarşılaşmaları, ardınca isə final və üçüncü yer uğrunda oyunlar olacaq. Ölkə çempionatı dairəvi sistem üzrə keçirilir. Yekun nəticəyə əsasən, ilk iki pillənin sahibləri çempionluq, 3-4-cü yerləri tutacaq komandalar isə üçüncülük uğrunda oynayacaq.
Final qarşılaşmalarından sonra qaliblərin mükafatlandırma mərasimi təşkil ediləcək.
Son oyun gününün proqramı
11:30. “Azərreyl” - U-21
12:15. “Murov Az Terminal” - “Gənclər”
14:30. 3-cü yer (qadınlar)
15:15. 3-cü yer (kişilər)
16:00. Final (qadınlar)
16:45. Final (kişilər)
Mükafatlandırma mərasimi
Qeyd edək ki, Azərbaycan Voleybol Federasiyasının təşkil etdiyi bütün yarışlar "Misli"nin dəstəyi ilə keçirilir.
