Bu gün futbol üzrə Avropa Liqasında 2024/2025-ci illər mövsümünün Liqa mərhələsinin 7-ci turuna yekun vurulub.
Arena.az xəbər verir ki, turun sonuncu oyun günündə 16 qarşılaşma baş tutub.
“Roma” səfərdə “Alkmar”la üz-üzə gəlib və minimal hesabla uduzub. “Tottenhem” Almaniyada “Hoffenhaym”la qarşılaşmanı çətinliklə də olsa, qalib başa vurub. “Mançester Yunayted” doğma meydanda “Reyncers”i sınağa çəkib və çətin qələbəyə sevinib. Türkiyə təmsilçisi “Fənərbaxça” isə Lion “Olimpik”i ilə görüşdən qolsuz heç-heçə ilə ayrılıb.
Azərbaycan çempionu “Qarabağ”ın Liqa mərhələsinin sonuncu – 8-ci turunda rəqibi olacaq “Olimpiakos” isə səfərdə “Portu” ilə qarşılaşmadan qalib ayrılmağı bacarıb.
Avropa Liqasında pley-off mərhələsinin püşkü yanvarın 31-də atılacaq. Liqa mərhələsində ilk 8 yeri tutan komandalar avtomatik 1/8 finala vəsiqə qazanacaqlar. 9-24-cü yerləri tutan komandalar isə pley-off oyunları keçirəcəklər. Onlar 1/8 finala yüksəlmək üçün mübarizə aparacaqlar. Bu mərhələdə ilk matçlar fevralın 13-də, cavab qarşılaşmaları isə fevralın 20-də keçiriləcək.
Avropa Liqası
Liqa mərhələsi, 7-ci tur
21 yanvar
“Qalatasaray” (Türkiyə) – “Dinamo” (Kiyev, Ukrayna) 3:3
Qollar: D.Sançes, 6. A.Bardakçı, 21. V.Osimhen, 53 – V.Vanat, 45. A.Yarmolenko, 68; 81.
22 yanvar
Beşiktaş – Atletik 4:1
Qollar: Raşiça, 17; 60. Rafa Silva, 77. Joao Mario, 90+2-pen – U.Qomes, 45.
23 yanvar
“Portu” (Portuqaliya) – “Olimpiakos” (Yunanıstan) 0:1
Qol: El Kaabi, 79.
“Alkmar” (Niderland) – “Roma” (İtaliya) 1:0
Qol: Parrott, 80.
“Fənərbaxça” (Türkiyə) – “Olimpik” (Lion, Fransa) 0:0
“Qarabağ” (Azərbaycan) – “Styaua” (Rumıniya) 2:3
Qollar: L.Andrade, 1. C.Dava, 41-öz qapısına – A.Şut, 7; 73. D.Mikolesku, 45+4.
“Viktoriya” (Çexiya) – “Anderlext” (Belçika) 2:0
Qollar: Çev, 3. Adu, 45.
“Bodo Qlimt” (Norveç) – “Makkabi” (Təl-Əviv, İsrail) 3:1
Qollar: Hoq, 39; 65. Evyen, 62 – D.Perets, 12.
“Malmö” (İsveç) – “Tvente” (Niderland) 2:3
Qollar: Yonsen, 32. Kristiansen, 79 – Steyn, 28-pen. Volfsvinkel, 61-pen. Laqerbielke, 64.
“Hoffenhaym” (Almaniya) – “Tottenhem” (İngiltərə) 2:3
Qollar: Stax, 68. Ntusu, 88 – Meddison, 3. Son, 22; 77.
“Elfsborq” (İsveç) – “Nitsa” (Fransa) 1:0
Qol: Henriksson, 62.
“Latsio” (İtaliya) – “Real Sosyedad” (İspaniya) 3:1
Qollar: Xila, 5. Zakkayni, 32. Kastelyanos, 34 – Barreneçea, 83.
RFS (Latviya) – “Ayaks” (Niderland) 1:0
Qol: Marxiyev, 78.
“Ludoqorets” (Bolqarıstan) – “Midtyulland” (Danimarka) 0:2
Qollar: Osorio, 18. Biskov, 90+5.
PAOK (Yunanıstan) – “Slaviya” (Çexiya) 2:0
Qol: Şvab, 26-pen. Konstantelias, 56.
“Yunion” (Belçika) – “Benfika” (Portuqaliya) 2:1
Qollar: İvanoviç, 50; 74 – Uazzani, 16.
“Mançester Yunayted” (İngiltərə) – “Reyncers” (Şotlandiya) 2:1
Qollar: Butland, 52-öz qapısına. B.Fernandes, 90+2 – Dessers, 88.
“Ayntraxt” (Almaniya) – “Ferentsvaroş” (Macarıstan) 2:0
Qollar: C.Y.Uzun, 49. Ekitike, 59.
