“Liverpul”un baş məşqçisi Arne Slot İngiltərə Premyer Liqasının 22-ci turunun “Brentford”la səfər oyunundakı qələbəni (2:0) şərh edib.
Arena.az “Liverpul”un rəsmi saytına istinadən, niderlandlı mütəxəssisin bu barədə fikrini təqdim edir:
“Yenə də nəticədən danışırsınız. Mən isə bütün diqqətimi öz komandama yönəldirəm, ona görə də qarşılaşdığımız komandalara diqqət yetirməyək. Ancaq yaradılmış fürsətlərin sayına baxsanız və məncə, hamınız xG-dən azacıq xəbərdarsınızsa, mənə bir yaxşılıq edin. “Mançester Yunayted”ə qarşı oyunumuza baxın və hər iki komandanın xG-sinin nə olduğunu görün. Bunu “Nottingem Forest”lə oyunda görün, eləcə də bügünkü oyuna da baxın. Onda yəqin ki, indidən və mövsümün birinci dövrəsinə qədər bizim üçün heç nəyin dəyişmədiyini görəcəksiniz”, deyə Arne Slot “Liverpul”un sabitliyinə işarə vurub.
21 oyundan 50 xalla “Liverpul” İngiltərə Premyer Liqasının yarış cədvəlinin zirvəsində qərarlaşıb. “Brentford” isə 22 oyundan 28 xalla 11-ci pillədədir.
