"Qarabağ"ın yarımmüdafiəçisi Leandro Andrade Avropa Liqasının əsas mərhələsinin 7-ci turunda Rumıniyanın FKSB klubuna Bakıdakı məğlubiyyəti (2:3) şərh edib.
Sportal.az xəbər verir ki, Andrade Azərbaycan çempionunun evdəki uğursuz çıxışı haqda bunları deyib:
"Biz həqiqətən qələbə qazanmaq və azarkeşlərimizi sevindirmək istəyirdik. Qələbə qazanmaq üçün hər şeyi etdik. Çoxlu qol vəziyyətləri yaratdıq. Amma səhvlər də oldu. Buraxdığımız səhvlər də məğlubiyyətimizə səbəb oldu. Səhvləri özümüzdə axtarmalıyıq. Bu da bizə gələcəkdə kömək edəcək. Təəssüf ki, bu mövsüm ötən ilki qədər uğurlu çıxış edə bilmədik".
saytlarin hazirlanmasi
