ABŞ prezidenti Donald Trampın andiçmə mərasimi fonunda avropalılar inamla dayanmalı və birləşməlidirlər.
Editor.az DPA-ya istinadla xəbər verir ki, bunu Xristian Demokratik İttifaqı (CDU) və Xristian Sosial Birlik (CSU) müxalifət blokundan Almaniya kansleri namizədi Fridrix Merz deyib. “Merz avropalıları ABŞ prezidenti Donald Trampa qarşı inam və birlik içində hərəkət etməyə çağırıb”, – məqalədə deyilir. Onun sözlərinə görə, Tramp böyük ehtimalla Almaniya və Avropa İttifaqına yaraşmayan fərmanlar imzalayacaq.
Merz çıxışında xatırladıb ki, yeni liderin əsas şüarı “Öncə Amerika”dır. Namizəd əlavə edib ki, belə bir siyasətə cavab olaraq Almaniya alçalmayacaq, təslim olmayacaq və qorxmayacaq.
Qeyd edək ki, Tramp Avropa Birliyi ölkələrini daha çox Amerika nefti və qazı almağa başlamadıqları təqdirdə ticarət tarifləri ilə hədələyib.
//Gülnarə Abasova, Editor.az
